A aparición da dínamo hidráulica
Na primeira metade do século XIX déronse dous avances científico-técnicos que posibilitaron a
aparición da dínamo hidráulica. O primeiro avance que a fixo posible foi o traballo sobre correntes
electromagnéticas realizado por Faraday en 1831. Este traballo levouno a descubrir que un condutor que corta as
liñas de forza dun imán crea unha diferenza de potencial. Pouco despois recibiu unha carta anónima
suxeríndolle que o seu descubrimento podería ser aplicado para construír grandes máquinas. O paso
cara á dínamo hidráulica conseguiuse sumando esta descuberta ao perfeccionamento da turbina de auga
feita por Fourneyron en 1832, quen construíu unha turbina de 50 CV.
